च्याम्पियन्स लिगको फाइनलमा चेल्सीविरुद्धको खेलमा घाइते भएका म्यानचेस्टर सिटीका मिडफिल्डर केभिन डी ब्रुइनले युरो कपको सुरुवाती खेल गुमाउने भएका छन ।

शनिबार राती भएको फाइनलमा चेल्सीका एन्टोनीयो रुडिगरसँग ठोक्किएपछि उनको आँखा र नाकविचका हड्डी भाच्चिएको छ ।

खेलको ६० औं मिनेटमा यी दुई खेलाडी ठोकिँदा बढि चोट ब्रुइनलाई लागेको छ । घाइते भएपछि तत्काल सब्सिच्युट भएका ब्रुइनको हड्डी भाच्चिएको मेडिकल जाँचपछि थाहा भएको छ ।

बेल्जियमको समेत मुख्य खेलाडी रहेको ब्रुइनले युरो कपका केहि खेलमा अनुपस्थित हुने बताइएको छ । बेल्जियमले युरोकपमा जुन १२ मा रसियासँग खेल्दैछ ।