नेपाल सुपर लिगमा अहिले काठमाडाैं र बिराटनगरविच प्रतिस्पर्धा भइरहेको छ । जसमा काठमाडौंले पहिलो हाफमा पाँच तीनको अग्रता बनाएको छ । काठमाडौंका लागि मेसुकेले ब्यक्तिगत ह्याट्रिक पुरा गरे । उनी यो प्रतियोगितामा ह्याट्रिक गर्ने पहिलो खेलाडी बनेका छन ।

दशरथ रंगशालामा विराटनगरले सुरुवाती दुई गोलको अग्रता जोगाउन सकेन । खेलको सुरुवात देखि नै आक्रामक दखिएको विराटनगरले छैटौं मिनेटमा नै अग्रता बनायो । उसका लागि रञ्जित धिमालको लामो क्रसमा विदेशी खेलाडी एडीलाजाले उत्कृष्ट गोल गरे ।

त्यसपछि १६ औं मिनेटमा फेरी एडीलाजाले पाएको मौकालाई भने सदुपयोग गर्न सकेनन् । २५ औं मिनेटमा सुनील बलको सशक्त प्रहार काठमाडौंका गोलकिपर विकेश कुथुले बचाए ।

खेलको ३४ औं मिनेटमा विराटनगरले खेलमा दुई शुन्यको अग्रता बनायो । यसपटक काठमाडौंका डिफेन्सलाई अगाडी बढेको मौकाको फाइदा उठाउँदै पेड्रो मान्जीले वन भर्सेस वनको अवस्थामा उत्कृष्ट फिनिस गरे ।
तर त्यसपछि पाँच मिनेटमा काठमाडौंले खेलमा तीन गोल गर्यो । खेलको ३५ औं मिनेटमा काठमाडौं अन्तर दुई एकमा पुर्यायो । उसका लागि मेसुकेले गोल गर्न सफल भए ।

त्यसको अर्को मिनेटमा फेरी मेसुकेले गोल गर्न सफल भए । उनले गोलकिपर पोजिसनमा नभएको खण्डमा उत्कृष्ट फिनिस गर्न सफल भए ।
खेलको ४१ औं मिनेटमा काठमाडौंले खेल तीन दुईको अवस्थामा पुर्यायो । यसपटक काठमाडौंका लागि स्टेफेन विनोङले उत्कृष्ट गोल गरे । उनले प्रहार गरेको फ्रिकिक गोलमा परिणत भएको विराटनगरका खेलाडीले भेउ पाउन सकेनन् ।
पहिलो हाफको इन्जुरी समयको तेस्रो मिनेटमा मेसुकेको क्रसमा सञ्जोक राईले हेडको प्रयास गर्दा भेट्टाउन सकेनन् ।

पहिलो हाफमा तीन दुईको अग्रता बनाएको काठमाडौंले ६७ औं मिनेटमा चौथो गोल गरे । उसका लागि मेसुकेले गोल गर्दै ब्यक्तिगत ह्याट्रिक पुरा गरे भने टिमको अग्रता चार दुईको अवस्थामा पुर्याए ।
त्यसपछि ७१ औं मिनेटमा विराटनगरका पेड्रो मान्जीले डिबक्समा पाएको मौकालाई सदुपयोग गर्न सकेनन् । जसका कारण उनले उत्कृष्ट मौका खेर फाले ।

७३ औं मिनेटमा काठमाडौंले अर्को उत्कृष्ट मौका गुमायो । उसका मेसुकेको प्रयार क्रसबारमा लागेर फर्किएको थियो । ७९ औं मिनेटमा विराटनगरका रजिन धिमालले गोल गर्दै अन्तर चार तीनमा पुर्याए । उनले करिव २५ यार्डबाट गरेको उत्कृष्ट प्रहारलाई काठमाडौंका गोलकिपर विकेश कुथुले रोक्न सकेनन् ।

८२ औं मिनेटमा काठमाडौंले पाँचौ गोल गर्न सफल भयो । उसका लागि छिरीङ गुरुङले उत्कृष्ट गोल गर्न सफल भए ।