क्रिकेट खेल हेर्न टिकट काटेका दर्शकले पैशा फिर्ता पाउने
- नेप्लेज
- |
- २०७८-०१-०६
- |
- 348 पटक हेरिएको
नेपालमा जारी त्रिकोणात्मक टी २० सिरिजमा दर्शक राख्ने नराख्ने विषयमा आयोजक नेपाल क्रिकेट संघ क्यान निकै लचिलो देखिएको छ ।
नेपाल सरकारको मन्त्री परिषद्को बैठकले प्रतियोगितामा दर्शक राख्न नपाइने निर्णय गरेसँगै क्यानले पनि खेलका बेला दर्शक नराख्ने विषयमा अध्ययन गरिरहेको बताएको छ ।
सरकारको निर्णय आएपछि सोमबारको खेलमा दर्शक के हुन्छ भन्ने प्रश्नमा सचिव अशोकनाथ प्याकुरेलले सरकारको निर्णयलाई मान्ने पर्ने र कति सम्म दर्शक राख्न पाउने हो या होइन भन्ने बुझिरहेको र शुन्य दर्शक राख्नुपर्ने भन्ने भएमा दर्शकलाई प्रवेश नगराउने बताए ।
उनले दर्शकविना नै प्रतियोगिता गर्न कठिन नभएको र सरकारको निर्णयलाई सबैले मान्नेपर्ने भएका खेलका बेला दर्शक नराख भनेपछि त्यो गर्नुपर्ने बताए । साथै उनले टिकट खरिद गरेका समर्थकको पैशा प्राविधिक रुपमा मिलाएर फिर्ता गर्न सकिने बताए ।
सोमबार विहान बसेको मन्त्रीपरिषद्को बैठकले रंगशालामा दर्शकसहित खेल खेलाउन नपाउने निर्णय गरेको थियो । यो निर्णय पछि अब खेलका दौरान बैशाख मसान्तसम्म दर्शकको सहभागित हुन नपाउने भएको छ ।