दक्षिण अफ्रिकाले पाकिस्तानसामु तीन सय ४२ रनको बलियो लक्ष्य
- नेप्लेज
- |
- २०७७-१२-२२
- |
- 455 पटक हेरिएको
पाकिस्तानविरुद्धको दोस्रो एकदिवसिय खेलमा दक्षिण अफ्रिकाले तीन सय ४२ रनको बलियो लक्ष्य दिएको छ ।
जोहानेसबर्गमा टस हारेर ब्याटिङको निम्तो पाएको दक्षिण अफ्रिकाले ५० ओभरमा ६ विकेट गुमाउँदै तीन सय ४१ रन बनायो ।
राम्रो सुरुवात गरेको दक्षिण अफ्रिकाले पहिलो विकेटका लागि ५५ रनको साझेदारी गरेको थियो । तर उसका इडेन मार्करम ३९ रनमा आउट भए । तर दोस्रो विकेटका लागि क्विन्टन डी कक र कप्तान टेम्बा बभुमाले एक सय १४ रनको साझेदारी गरेका थिए ।
जसमा क्विन्टन डी कक ८० रन बनाएर आउट भए । त्यसपछि टेम्बाले रासे भान डेर डुसेनसँग अर्को शतकीय साझेदारी गरे । डुसेनले ६० रन बनाए । यस्तै टेम्बाले ९२ रनको पारी खेले ।
त्यसपछि हनेरिच क्लासेन ११ रनमा आउट भए भने डेविड मिलरले विस्फोटक ५० रनको योगदान गरे । उनले २७ बलमा तीन छक्का र तीन चौका प्रहार गरे ।
बलिङमा हेरिस रउफले तीन विकेट हात पारे ।