तेश्रो मनमोहन गोल्डकप डोरीतान आउटडोर प्रतियोगिता चैत २६ र २७ मा
- नेप्लेज
- |
- २०७७-१२-१२
- |
- 405 पटक हेरिएको
नेप्लेज । सुनसरी जिल्ला डोरीतान संघले तेश्रो मनमोहन गोल्डकप डोरीतान आउटडोर प्रतियोगिता आयोजना गर्ने भएको छ ।
डोरीतान खेलको माध्यमबाट युवाहरुलाई खेलकुदमा सक्रिय बनाउनका लागि प्रतियोगिताको आयेजना गर्न लागिएको सुनसरी जिल्ला डोरीतान संघले जनाएको छ ।
प्रतियोगिता चैत २६ र २७ गते बिहान १० देखि ५ बजेसम्म सञ्चालन हुनेछ । अन्तराष्ट्रिय डोरीतान महासंघको नियमअनुसार नकआउट,बेस्ट अफ थ्री मा आधरित हुनेछ ।
प्रतियोगिताको विजेताले नगद एक लाख रुपैँया,ट्रफी,मेडल र प्रमाणपत्र प्राप्त गर्नेछन् भने उपविजेताले नगद पचास हजार,ट्रफी र मेडलुहित प्रमाणपत्र प्राप्त गर्नेछन् ।
प्रतियोगितामा १२ टिमको सहभागिता रहनेछ जसमा एक टिम आयोजक,प्रादेशिक ४ टिमहरु,नेपालका विभागीय ३ टिम,भूपू ब्रिटिस गोृर्खा टिम तथा भारतका २ टिम सहभागि हुने बताइएको छ ।
प्रतियोगितको अनुमानित रकम ३० लाख बराबर रहेको पनि आयोजकले बताएको छ ।