मेयर्स कपकाे उपाधि जित्ने लक्ष्यमा पुलिस र एपीएफ
- नेप्लेज
- |
- २०७७-११-२८
- |
- 306 पटक हेरिएको
काठमाडौं मेयर्स कपको उपाधिका लागि भोली दुई विभागिए टिम नेपाल पुलिस र एपीएफ क्लव आमनेसामने हुँदैछन । जसका लागि दुबै टिमका कप्तानले उपाधि जित्ने दावी गरेका छन ।
लिग चरणमा शिर्ष दुईमा रहेका दुबै टिमले फाइनल खेल्न लागेका हुन । शरद भेषवाकरको कप्तानीमा रहेको एपीएफ घरेलु क्रिकेटमा एक महिनामा दोस्रो फाइनल खेल्न लागेको हो । यसअघि पीएम कपमा एपीएफ फाइनलमा आर्मीसँग हारेको थियो । यस्तै पुलिस पहिलो संस्करणको मेयर कपमा फाइनलमा पुगेको थियो । समुह चरणमा यी दुई टिम भिड्दा एपीएफले एक विकेटको रोमाञ्चक जित निकालेको थियो ।
पुलिसका कप्तान मञ्जित श्रेष्ठले एपीएफ टिम बलियो रहेको र फाइनल खेल रोमाञ्चक हुने अपेक्षामा रहेको बताए । साथै उनले टिममा दुई चार जना खेलाडी चोट ग्रस्त रहेपनि मैदानमा त्यसलाई नदेखाएको बताए । उनले कुनैपनि खेलाडीलाई दबाव नदिएको र आफ्नो तरिकाले खेल्न भनेको बताए ।
यता एपीएफका कप्तान शरदले पनि टिममा केहि खेलाडी घाइते भएपनि त्यसले फाइनलमा कुनै असर नगर्ने बताए । कीर्तिपुरमा रन बनिरहेको र जसले राम्रो ब्याटिङ गर्यो, त्यो टिमले उपाधि जित्ने संभावना रहेको बताए । उनले तयारी राम्रो रहेको र अहिले नै यस्तो खेल्छौ भनेर भन्न सक्ने अवस्था छैन, टिमले कस्तो प्रदर्शन गर्छ भन्ने मैदानमा नै देखिने बताए ।
प्रतियोगिताको विजेताले ५ लाख र उपविजेताले ३ लाख रुपैयाँ पाउनेछ । प्रतियोगिताको सर्वोत्कृष्ट खेलाडीले ५० हजार र उत्कृष्ट ब्याट्सम्यान र बलरले २५–२५ हजार रुपैयाँ पाउने बताए ।