मोनाको फ्रेञ्च लिग कपको फाइनलमा
- नेप्लेज
- |
- २०७४-१०-१८
- |
- 287 पटक हेरिएको
माघ १८ । फ्रान्सको नकआउट फुटबल प्रतियोगिता लिग कपको उपाधिका लागि मोनाको र पेरिस सेन्ट जर्मेइन् पीएसजी आमनेसामने हुने भएका छन् ।
गएराति भएको दोस्रो सेमिफाइनलमा मोन्टपिलरलाई २–० गोलले हराउँदै मोनाकोले फाइनल यात्रा तय गरेको हो ।
यसअघि बुधबार राति भएको पहिलो सेमिफाइनलमा रिनलाई ३–२ गोलले हराउँदै पीएसजी फाइनलमा पुगेको थियो ।
मोन्टपिलरबिरुद्ध मोनाकोका स्टार स्ट्राइकर रामाडेल फाल्काओले दुवै गोल गरे । फाल्काओले खेलको १५औं र २९औं मिनेटमा गोल गरेका थिए । दोस्रो हाफमा मोन्टपिलर खेलमा फर्कने प्रयास गरे पनि सफल भएन ।
मोनाको र पीएसजीबीचको फाइनल खेल आगामी मार्च ३१ तरिकमा हुनेछ । गत संस्करणको फाइनलमा पनि यी दुवै टोली भिडेकोमा पीएसजी ४–१ गोलले विजयी हुँदै सातौं पटक प्रतियोगिताको उपाधि जितेको थियो ।