काठमाडौं । अखिल नेपाल फुटबल संघ (एन्फा)ले यु-२० र १७ राष्ट्रिय फुटबल टोलीका लागि खुला छनोट गर्ने भएको छ। 

एन्फाले सातै प्रदेश र जिल्ला संघलाई आइतबार पत्राचार गरेको छ।

एन्फाको अनुसार प्रदेशले असार १० देखि १५ सम्म यु-२० र असार १७ देखि २२ सम्म यु-१७ का खेलाडी छनोट गरिसक्नु पर्छ।

यसैगरी एन्फाले असार १८ देखि २५ सम्म यु-२० र साउन २५ देखि ३२ सम्म यु-१७ टोलीको छनोट गर्नेछ।

यु-२० को छनोटमा २०६१ पुस १६ देखि २०६४ पुस १६ तथा यु-१७ को छनोटमा २०६४ पुस १७ देखि २०६७ पुस १६ सम्म जन्ममिति भएकाले भाग लिन पाउने छन्।

यु-२० साफ साउन ३२ देखि भादै १२ गतेसम्म नेपाल तथा यु-१७ साफ आश्विन २ देखि १२ गते भुटानमा हुनेछ।

यसैगरी छनोट भएका खेलाडीले आ-आफ्नो उमेर समूहको एसियन कप छनोटमा पनि सहभागिता जनाउनेछन्। यु-२० र यु-१७ एसियन कपको छनोटअन्तर्गत नेपालका खेल क्रमशः चाइनिज ताइपेई र कतारमा हुनेछ।