सागर ढकाल र कुशल भुर्तेलले दुई दुई विकेट लिँदा नेपाल भ्रमणमा रहेको वेष्ट इण्डिज एले घरेलु टोलीसामू १६१ रनको लक्ष्य दिएको छ । 

टस जितेर ब्याटिङ गर्ने निर्णय गरेको वेष्ट इण्डिज एले निर्धारिक २० ओभरमा ७ विकेट गुमाउँदै १६० रन बनायो । 

ट्वेन्टी ट्वेन्टी क्रिकेटमा विश्वव्यापी प्रभाव जमाउन सफल वेष्ट इण्डिजलाई नेपालले सुरुदेखि नै दबाबमा राखेको थियो । 

तेस्रो ओभरमा सागर ढकालले दुई विकेट लिँदा दुबै ओपनर एलिक अथान्जी ६ रनमा र जन्सन चाल्र्स ११ रनमा आउट भए । अथान्जीलाई कुशल मल्लबाट क्याचआउट गराएका ढकालले चाल्र्सलाई बोल्ड गरे । दुई विकेट जाँदा १८ रन बनाएको वेष्ट इण्डिज एको पारी कप्तान रोस्टन चेजले  ६४ रनसम्म पु¥याए । तर, उनी कुशल भुर्तेलको बलमा बोल्ड हुँदा पाहुना टोलीले तीन विकेट गुमायो । 

त्यसपछि केसी कार्टी १० रन बनाएर कुशल भुर्तेलको बलमा क्याचआउट भए ।

वेष्ट इण्डिजका पछिल्ला क्रमका ब्याटरहरु नेपाली बलरसामू दबाबमा रहे । किमो पउल ८ रन बनाएर सोमपाल कामीको बलमा बोल्ड भए भने हाइडेन वास नौ रन बनाएर रनआउट भए । 

वेष्ट इण्डिजका ब्याटर आन्द्रे फ्लेचर ४३ रन बनाएर दिपेन्द्रसिंह ऐरीको बलमा लोकेश बमबाट क्याचआउट भए । 

अन्तिम दुई ओभर भने नेपालका लागि महँगो सावित भयो । 

१९औं ओभर बलिङ गरेका आकाश चन्दको बलमा दुई छक्का र एक चौकासहित वेष्ट इण्डिज एले १९ रन बनायो भने अन्तिम ओभरमा तीन छक्कासहित २२ रन बनाउँदा वेष्ट इण्डिज एले दरिलो स्कोर बनाएको हो ।

अन्तिममा गुडाकेश मोटीले ८ बलमा दुई चौका र चार छक्काको सहयोगमा ३३ रन बनाए भने म्याथ्यु फोर्डेले ६ बलमा ११ रन जोडे ।

एक सय १६१ रनको लक्ष्य लिएर नेपाली टिमले जवाफी ब्याटिङ गर्दैछ । 

नेपाली टिममा अघिल्लो खेलमा खेलेका पाँच खेलाडीलाई बेन्चमा राखेर पाँच नयाँ खेलाडीलाई मौका दिइएको छ । 

नेपाली टिम 

लोकेश बम
अनिलकुमार साह
रोहितकुमार पौडेल
मो. आरिफ शेख
दिपेन्द्रसिंह ऐरी
कुशल मल्ल
गुल्शनकुमार झा
सोमपाल कामी
सागर ढकाल
आकाश चन्द
कुशल भुर्तेल