कैलाली यू-१६ अन्तर स्कुल क्रिकेट: सेमिफाइनल पुग्ने सबै टोलीको टुङ्गो
- नेप्लेज
- |
- २०८१-०२-०८
- |
- 279 पटक हेरिएको
धनगढीमा जारी कैलाली यू-१६ अन्तर विद्यालय क्रिकेट च्याम्पियनसिप २०८१ मा सेमिफाइनल पुग्ने चारै टोलीको टुङ्गो लागेको छ।
आज लिटिल फ्लावर स्कुल र स्टेपिङ स्टोन इङ्लिस स्कुल बोर्डिङ स्कुल सेमिफाइनल पुगेसँगै अन्तिम चारमा पुग्ने सबै टोलीको टुङ्गो लागेको हो।
ऐश्वर्या विद्या निकेतन(एभीएन) र मणिलेक ईन्टरनेशनल स्कुल यसअघि नै सेमिफाइनलमा पुगिसकेका छन्।
पहिलो सेमिफाइनलमा मणिलेक ईन्टरनेशनल स्कुल र लिटिल फ्लावर स्कुल तथा दोस्रोमा ऐश्वर्या विद्या निकेतन(एभीएन) र स्टेपिङ स्टोन इङ्लिस स्कुल बोर्डिङ स्कुल भिड्नेछन् ।
सेमिफाइनलका खेलहरू बिहीबार हुने स्कोरर नुरेन अन्सारीले जानकारी दिए ।
कैलाली जिल्ला क्रिकेट सङ्घको आयोजनामा वैशाख ३० गतेदेखि सुरु भएको प्रतियोगिता जेठ १२ गतेसम्म सञ्चालन हुनेछ।
प्रतियोगिताले खेलाडी उत्पादनमा सहयोग मिल्ने कैलाली जिल्ला क्रिकेट सङ्घका अध्यक्ष विक्रम विष्टले बताए ।