काठमाडौँ । साउदी प्रो लिगमा अल नासर विजयी भएको छ। 

प्रिन्स हातलौल स्पोर्ट्स सिटीमा बिहिवार राति सम्पन्न खेलमा अल नासरले अल अखदौदलाई ३-२ गोलले पराजित गरेको हो। 

अल नासरको जितमा कप्तान क्रिस्टियानो रोनाल्डोले १ गोल गर्दा मार्सेलो ब्रोजोभिकले २ गोल गरे। यता, अखदौदको लागि हसन अल हबीब र साभिओर गोडविन गरेको गोल सान्त्वना बन्यो। 

खेलको सातौँ मिनेटमा ब्रोजोभिकले गोल गर्दै नासरलाई शुरुआती अग्रता दिलाएका थिए। १५औँ मिनेटमा रोनाल्डोले गोल गरेपछि नासर खेलमा २-० ले अघि बढ्यो। ६०औँ मिनेटमा हबीब र गोडविनले गोल गरेपछि खेलमा २-२ को बराबरी अबस्थामा आयो। तर, खेलको अतिरिक्त समयको पहिलो मिनेटमा ब्रोजोभिकले गोल गरेपछि अल नासर ३-२ ले विजयी भयो। 

जितसँगै नासरले जारी सिजन ३१ खेलबाट ७७ अंक जोडेको छ।