चेन्नई सुपर किंग्स १० औं पटक आईपीएलको फाइनलमा पुगेको छ ।

मंगलबार चेपौकमा भएको पहिलो क्वालिफायर खेलमा चेन्नईले गुजरात टाइटन्सलाई १५ रनले पराजित गरेको हो ।

खेलपछि धोनीले आईपीएलबाट सन्यास लिने विषयमा सोधिएको प्रश्नको जवाफ दिँदै ८–९ महिनापछि यसबारे निर्णय लिने बताए ।

वास्तवमा क्रिकेट कमेन्टेटर हर्ष भोगलेले सोधेको प्रश्नको उत्तर दिँदै मसँग निर्णय गर्न ८–९ महिना छ ।

 उनी चेन्नईमै रहने तर खेलाडी बनेर बस्ने कि अरु कुनै रूपमा बस्ने, अहिले नै थाहा नभएको बताए ।

धोनी जनवरीदेखि घरबाट टाढा छन् । उनले मार्चमा अभ्यास सुरु गरेका थिए ।

अब आईपीएलको मिनी अक्सन डिसेम्बरमा हुँदैछ ।

यसका लागि अझै समय रहेकाले अहिले त्यसबारेमा नसोच्ने धोनीले बताएका छन् ।