एभर्टन, चेल्सी र फुलह्याम विजयी
- नेप्लेज
- |
- २०७९-०६-१५
- |
- 630 पटक हेरिएको
इंग्लिस प्रिमियर लिग फुटबलमा एभर्टन विजयी भएको छ ।
आज भएको खेलमा एभर्टनले साउथह्याम्पटनमाथि २–१ गोल अन्तरको जित दर्ता गरेको हो ।
पहिलो हाफ गोलरहित बराबरीमा सकिएको खेलमा सवै गोल दोस्रो हाफमा निस्किएका हुन् ।
४९ औं मिनेटमा जोए एरिबोले गोल गर्दै साउथ ह्याम्पटनलाई अग्रता दिलाएका थिए ।
५२ औं मिनेटमा कोनोर कोएडीले गोल गर्दै एभर्टनलाई खेलमा फर्काए ।
५४ औं मिनेटमा डुएट मेकनेइलले गोल गरेपछि एभर्टनले २–१ को अग्रता लिन सफल भयो ।
त्यही अग्रता अन्तिमसम्म जोगाउँदै एर्भटनले स्पष्ट ३ अंक लिन सफल भयो ।
एभर्टनले ८ खेलमा १० अंक बनाँदा साउथ ह्याम्पटनले ८ खेलमा ७ अंक बनाएको छ ।
प्रिमियर लिग अन्तर्गत आजै भएको अर्को खेलमा न्यू क्यासल युनाइटेडमाथि फुलह्यामले ४–१ गोलको फराकिलो जित दर्ता गरेको छ ।
यस्तै अर्को खेलमा चेल्सीले क्रिष्टल प्यालेसमाथि २–१ गोल अन्तरको पुनरागमन जित दर्ता गरेको छ ।
जितसँगै चेल्सीले ७ खेलबाट १३ अंक बनाएको छ भने क्रिष्टल प्यालेसले समान खेलबाट ६ अंकमात्रै बनाएको छ ।