सिरि ए  फुटबलमा युभेन्टस र नापोलीको शानदार सुरुआत

  • Image नेप्लेज
  • ३१ श्रावण २०७९, मङ्गलवार
  • 662 पटक हेरिएको
सिरि ए  फुटबलमा युभेन्टस र नापोलीको शानदार सुरुआत

इटालियन सिरि ए फुटबलमा युभेन्टसले जीतका साथ सिजनको सुरुआत गरेको छ ।

गयराति भएको खेलमा युभेन्टसले सासुलोमाथि ३–० गोलको जीत दर्ता गरेको हो ।

युभेन्टसले घरेलु मैदानमा २६ औं मिनेटमा अग्रता लिएको थियो ।

एन्जल डि मारिले गोल गरेपछि युभेन्टस अगाडि बढेको थियो ।

४३ औं मिनेटमा डुआन भोलोभीले अग्रता दोब्बर बनाएका थिए ।

पहिलो हाफमा २ गोल गरेको युभेन्टसले दोस्रो हाफमा भने १ गोल मात्रै थप्न सफल भयो ।

५१ औं मिनेटमा भोलोभीले व्यक्तिगत दोस्रो तथा टिमका लागि तेस्रो गोल गरेका थिए ।

त्यसपछि थप गोल नभएपछि युभेन्टसले स्पष्ट जीतका साथ ३ अंक जोड्न सफल भयो ।

यस्तै, गयराति नै भएको अर्को खेलमा नापोलीले भेरोनामाथि ५–२ गोल अन्तरले  जीत दर्ता गरेको छ । 

१ गोलले पछि परेको नापोलीले अन्ततः ५–२ को जीतका साथ सिजनको सुरुआत गर्न सफल भयो ।

केभिन लसंगाले २९ औं मिनेटमा गोल गर्दै भेरोनलाई अग्रता दिलाएका थिए ।

३७ औं मिनेटमा नापोलीका केभिनले बराबरी गोल गरेका थिए । पहिलो हाफको अतिरिक्त समयमा भिक्टर ओसिमहनले गोल गरेपछि नापोली २–१ को अवस्थानमा पुगेको थियो । 
४८ औं मिनेटमा थोमस हेनरीले गोल गरेपछि घरेलु मैदानमा भेरोनाले खेल २–२ को बराबरीमा ल्याएको थियो ।

तर, ५५ औं मिनेटमा पोवटर जेलेनेस्कीले गोल गर्दै टिमलाई अगाडि बढाए ।

सेबेस्टयिन लोवट्काले ६५ औं मिनेटमा गोल गर्दै नापोलीलाई ४–२ ले अघि बढाउँदा ७९ औं मिनेटमा माटो पोलिटिनोले गोल गरेपछि अन्ततः ५–२ गोल अन्तरले विजयी भयो ।

सम्बन्धित खबर