म्याट हेनरीको स्थानमा बेन सियर्सले वेस्ट इन्डिजको एकदिवसीय टोलीमा समावेश
- नेप्लेज
- |
- २०७९-०४-२९
- |
- 375 पटक हेरिएको
न्युजिल्याण्डका तिब्र गतिका बलर म्याट हेनरीले वेष्टइन्डिजविरुद्धको एकदिवसीय खेल गुमाउने भएका छन् ।
उनी करङको चोटका कारण वेष्टइन्डिजविरुद्धको एकदिवसीय खेल गुमाउने भएका हुन् ।
उनको स्थानमा बेन सियस वेष्टइन्डिज जानेछन् ।
न्युजिल्याण्ड क्रिकेटले एक विज्ञप्ति निकाल्दै हेनरी गत हप्ता प्रशिक्षणको क्रममा आफ्नो बायाँ दुखेको अनुभव गरेका थिए ।
त्यसपछि उनको अवस्थामा सुधार नआएपछि उनको स्थानमा बेन सियर्सले उनलाई प्रतिस्थापन गर्ने निर्णय भएको बताएको छ ।
उनी वेष्टइन्डिजविरुद्धको दुई टि–२० मा उनी सुरुवाती एघारमा थिएनन् ।
दुवै खेलमा न्युजिल्याण्ड विजयी भएको थियो ।
हेनरीले पछिल्लो पटक जुलाईमा आयरल्याण्डविरुद्धको तीन एकदिवसीय खेल खेलेका थिए जसमा उनले चार विकेट लिएका थिए ।
त्यसपछि उनी काउन्टी क्रिकेट खेल्नका लागि गएका थिए ।
न्युजिल्याण्डका प्रमुख प्रशिक्षक ग्यारी स्टेडका अनुसार उनको चोट गम्भिर नभएको र खेल्दा अझ बढ्ने सम्भावना रहेकोले साबधानीका रुपमा उनलाई बाहिर राखेको बताएका छन् ।
वेष्टइन्डिजविरुद्धको एकदिवसीय श्रृंखला बुधबारबाट सुरु हुँदैछ ।
सियर्सले एकदिवसीय क्रिकेटमा न्युजिल्याण्डको टोलीबाट डेब्यु गर्र्नेछन् ।