दमक नगरपालिका गिरिजाप्रसाद कोइराला फुटबलको फाइनलमा
- नेप्लेज
- |
- २०७७-१२-१८
- |
- 410 पटक हेरिएको
सुनसरी चैत्र १८गते –दमक नगरपालिका इटहरीमा जारी स्वर्गीय गिरिजाप्रसाद कोइराला स्मृति अन्तर नगरपालिका फुटबल प्रतियोगिताको फाइनलमा प्रवेश गरेको छ ।
बुधबार सम्पन्न पहिलो सेमीफाइनल खेलमा सुनसरीको इनरुवा नगरपालिकालाइ ५–३ गोल अन्तरले पराजित गर्दै दमक नगरपालिकाले फाइनलमा स्थान सुरक्षित गरेको हो ।
दमकको जितमा माल्दिना आंगपुचोले ह्याटिक गरे । उनले खेलको २४ औ, ५० औ र ७५ औ मिनेटमा गोल गरे । दमकका तर्फबाट अरु २ गोल खेम पोखरेल र संजय धिमालले गरे । पोखरेलले खेलको ४ औ मिनेट र पोखरेलले ५० औ मिनेटमा गरेका थिए ।
इनरुवाकालागि अभिषेक कालिकोटेले २ गोल गर्दा सिसम चौधरीले १ गरेका थिए । कालिकोटेले खेलको १८ र २५ औ मिनेटमा गोल गरेका थिएभने चौधरीले खेलको १४ औ मिनेटमा गोल गरे ।
खेलको म्यान अफ द म्याच ह्याटिक गरेका दमकका माल्दिना आंगपुचो घोषित भए । उनलाइ प्रमुख अतिथि तरुणदल सुनसरीकाअध्यक्ष सिजन गुरुंगले नगद ३ हजार सहित टफी प्रदान गरे ।
दमकनगरपालिकाले अब उपाधीकालागि भोली बिहिबार हुने धरान उपमहानगरपालिका र बिराटनगर महानगरपालिकाबिचको सेमिफाइनल बिजेतासंग प्रतिष्पर्धा गर्नेछ । फाइनल प्रतिष्पर्धा चैत्र २१ गतेका दिन हुने प्रतियोगिता संयोजक सूर्य राइले जानकारी दिए ।
इटहरी स्थित क्षेत्रिय रंगशालामा जारी प्रतियोगिताको विजेता टिमले २ लाखनगद र उपबिजेतालाई १ लाख पुरस्कार पाउने छन ।