काठमाडौं । इङ्लिस प्रिमियर लिग अन्तर्गत आज लण्डन क्लब चेल्सी म्यान्चेस्टर युनाइटेडको सामना गर्दै। 

युनाइटेडको घरेलु मैदान नेपाली समयअनुसार राति १०:१५ बजेबाट ओल्ड ट्राफोर्डमा सुरु हुनेछ। 

नयाँ प्रशिक्षक रुबेन अमोरिमको नेतृत्वमा रहेको म्यानचेस्टर युनाइटेड घरेलु मैदानमा सुखद नतिजाको लक्ष्यमा हुनेछ।

जारी लिगमा ९ खेलबाट ११ अंकसहित १३औँ स्थानमा छ भने समान खेलबाट चेल्सी १७ अंकसहित छैटौँ स्थानमा छ। यदि यस खेलमा युनाइटेड विजयी हुन्छ भने १४ अंकसहित १०औँ स्थानमा उक्लने छ।

सन् २०२७ सम्मका लागि म्यान्चेस्टर युनाइटेडको प्रशिक्षक बनेको ३९ बर्षिय रुबेनलाई पहिलो खेलमै चेल्सीले चुनौती पेस गर्ने सम्भावना रहेको छ। 

पोर्चुगलको स्पोर्टिङ सिपीका प्रशिक्षक रहेका रुबेनले नोभेम्बर ११ अर्थात् आजदेखि प्रशिक्षकको जिम्मेवारी सम्हाल्ने युनाइटेडले जानकरी दिएको छ।  

जारी सिजन युनाइटेडले लगातार खराब प्रदर्शनपछि गत आइतबार आफ्ना प्रशिक्षक एरिक टेन ह्यागलाई बर्खास्त गरेको थियो।

यस्तै आजै हुने पहिलाे खेलमा टाेटेनह्यामले एस्टन भिल्लाकाे सामना गर्नेछ। याे खेल राति ७:४५ बजेबाट सुरु हुनेछ।