नेपाल क्रिकेट संघ (क्यान)ले नेपाल प्रिमियर लिग (एनपीएल)का लागि खेलाडीहरूको दर्ता प्रक्रिया पूरा गर्दै अक्सनका लागि सर्टलिस्ट सार्वजनिक गरेको छ। एनपीएल, जुन ३० नोभेम्बरदेखि २१ डिसेम्बरसम्म आयोजना हुने छ। एनपीएल नेपाली क्रिकेटप्रेमीहरूबीच निकै प्रतीक्षित लिग हो। क्यानले एनपीएललाई देशकै प्रमुख घरेलु क्रिकेट प्रतियोगिता बनाउनका लागि विशेष योजना र तयारी गरिरहेको छ।

एनपीएलमा सहभागी हुन खेलाडी दर्ता असोज ५ गतेदेखि १२ गतेसम्म खुला गरिएको थियो। यस अवधिमा ४२६ जना नेपाली खेलाडीहरूले आफ्नो नाम दर्ता गरेका थिए। क्यानले दर्ता प्रक्रियालाई निकै व्यवस्थित रूपमा सम्पन्न गर्दै सबै खेलाडीहरूलाई समय दिएको थियो। 

क्यानका अनुसार, दर्ता भएका खेलाडीहरूमध्ये लिगको अक्सनमा सहभागी हुन १४२ जना खेलाडीलाई सर्टलिस्ट गरिएको छ। यी सर्टलिस्ट गरिएका खेलाडीहरूले अब अक्सनमा भाग लिनेछन्। जहाँ टिम फ्रेन्चाइजहरूले उनीहरूलाई आफ्नो टिममा समावेश गर्नेछन्। 

एनपीएलको अक्सन आगामी २० असोजमा काठमाडौंमा आयोजना गरिनेछ।   

एनपीएलले नेपाली क्रिकेटको विकासमा महत्वपूर्ण भूमिका खेल्दै आएको छ। यस लिगले युवापुस्ताका खेलाडीहरूलाई ठूलो मञ्च प्रदान गर्दै उनीहरूको प्रतिभा उजागर गर्न सहयोग पुर्याएको छ। अन्तर्राष्ट्रिय स्तरमा पहिचान बनाइसकेका खेलाडीहरूसँगै नयाँ खेलाडीहरूले पनि यस लिगमा प्रतिस्पर्धा गर्ने अवसर पाउनेछन्। अक्सनका लागि ए, बी र सी क्याटेगोरी बनाइएको छ ।

ए क्याटेगोरीमा २७ जना खेलाडी छन् । यसैगरी बी क्याटेगोरीमा ३८ र सी क्याटेगोरीमा ७७ खेलाडीको सूची समावेश छ।

एनपीएलको सर्टलिस्ट