युक्रेनले पेरिस ओलम्पिकमा रुसी र बेलरुसी खेलाडीको सहभागिता रहे आफुहरु ओलम्पिक बहिस्कार गर्ने चेतावनी दिएको छ । 

युक्रेनका खेलकुद मन्त्री भ्याडिम गुटसेटले रुसी र बेलारुस खेलाडीलाई सहभागी हुन अनुमति दिएमा सन् २०२४ मा फ्रान्सको पेरिसमा आयोजना हुने गृष्मकालीन ओलम्पिक बहिष्कार गर्ने चेतावनी दिएका हुन् । 

अन्तर्राष्ट्रिय ओलम्पिक कमिटि (आईओसी) ले खेलाडीहरूलाई तटस्थ रूपमा प्रतिस्पर्धा गर्न अनुमति दिने विचार गरिरहेको बेलामा युक्रेनका खेलकुद मन्त्री यस्तो बताएका हुन् । 

आईओसीले पहिले अन्तर्राष्ट्रिय खेलकुद महासंघहरूलाई युक्रेनका खेलाडीहरूलाई देशको आक्रमणको प्रकाशमा बाहिर निकाल्न सल्लाह दिएको थियो तर अहिले  खेलाडीहरुलाई समान व्यवहार गर्न आह्वान गरेको छ  । युक्रेनको राष्ट्रिय ओलम्पिक कमिटीका अध्यक्ष गुट्टसैटले युक्रेनमा जारी द्वन्द्वका कारण रुसी र बेलारुस खेलाडीमाथि लगाइएको प्रतिबन्ध यथावत नै रहनुपर्ने बताएका छन् । 

बेलायती सरकारले आईओसीको अडान र यस मुद्दामा एकता जारी राख्न समान विचारधारा भएका देशहरूसँग काम गर्ने योजनाको आलोचना गरेको छ। युरोपेली ओलम्पिक कमिटीले रुसी र बेलारुस खेलाडीहरूले कडा सर्तहरूमा तटस्थ रूपमा प्रतिस्पर्धा गर्ने विचारलाई समर्थन गरेको छ ।  तर विश्व एथलेटिक्सले रूसमा राज्य–प्रायोजित डोपिङको सन्दर्भमा त्यसो गर्न सक्षम महसुस गरेमा मात्र यसको प्रतिबन्ध हटाउन सक्छ।

पेरिस ओलम्पिकमा रुसी र बेलारुसका खेलाडीलाई आईओसीले हरियो बत्ती दिएको छ ।