इटहरीमा महिला क्रिकेट खेलाडीकाे प्रशिक्षण सुरू
- नेप्लेज
- |
- २०७८-०६-०७
- |
- 1176 पटक हेरिएको
हाइलाइट्स
- नेपाल क्रिकेट संघ (क्यान) को आयोजना र क्रिकेट एशोसिएसन अफ सुनसरीको व्यवस्थापनमा इटहरीको क्षेत्रीय रंगशालामा सुरु प्रशिक्षण एक सातासम्म चल्ने राष्ट्रिय क्रिकेट महिला टिमका प्रशिक्षक जगतबहादुर टमाटाले बताए ।
आईसीसी महिला विश्वकप २०२२ का लागि एसिया छनोटका लागि नेपाली महिला क्रिकेट टोलीको प्रशिक्षण इटहरीमा सुरु भएको छ ।
नेपाल क्रिकेट संघ (क्यान) को आयोजना र क्रिकेट एशोसिएसन अफ सुनसरीको व्यवस्थापनमा इटहरीको क्षेत्रीय रंगशालामा सुरु प्रशिक्षण एक सातासम्म चल्ने राष्ट्रिय क्रिकेट महिला टिमका प्रशिक्षक जगतबहादुर टमाटाले बताए ।
क्यानले यस वर्ष तीन फरक स्थानमा नेपाली टिमलाई प्रशिक्षण दिँदैछ । पहिलो प्रशिक्षण महेन्द्रनगरमा असोज २ गते सम्पन्न गरेको थियो ।
इटहरीको प्रशिक्षण सकिएलगत्तै काठमाडौंमा अन्तिम प्रशिक्षण हुनेछ ।प्रशिक्षणमा प्रदेश १ बाट टोलीका क्याप्टेन रुबिना क्षेत्री, संगीता राई, काजल श्रेष्ठ, रोमाथापा, सबनम राई र अप्सरी बेगम रहेका छन् ।
यस्तै, प्रदेश २ बाट सरस्वती चौधरी, अनुराधा चौधरी र ममता चौधरी सहभागी छन् ।