हङकङसँग बराबरी खेल्दै नेपाल समुह चरणबाट बाहिरियो
- नेप्लेज
- |
- २०७८-०६-०५
- |
- 1353 पटक हेरिएको
हाइलाइट्स
आजको बराबरीसँगै हङकङको भने आशा जिवितै रहेको छ । उसले अर्को खेलमा फिलिपिन्ससँग खेल्ने छ ।
एएफसी महिला एसियन कप-२०२२ छनोटको दोस्रो खेलमा हङकङसँग गोलरहित बराबरी खेल्दै नेपाली राष्ट्रिय महिला फुटबल टिम समुह चरणबाट बाहिरिएको छ ।
पहिलो खेलमा फिलिपिन्ससँग अन्तिम समय सम्हालिन नसक्दा नेपालले २–१ को पराजय भोगेको थियो ।
उग्वेकिस्तानको जेएआर स्टेडियममा सम्पन्न खेलमा नेपाली टिमले हङकङलाई पुरै समय दबाबमा राख्न सफल भएपनि गोल भने गर्न सकेन ।
एसियन कपमा छनोट हुने सम्भावना कायम राख्नका लागि नेपाललाई आजको खेल जित्नैपर्ने दबाब रहेको थियो तर गोलरहित बराबरी खेलेसँगै नेपालको एएफसी महिला एसियन कप–२०२२ छनोटको यात्रा टुंगिएको हो ।
समुह ‘एफ’ मा नेपालसहित फिलिपन्स र हङकङ रहेको थियो । समुहको शिर्ष स्थानमा रहने टिमले अर्के वर्ष भारतमा हुने एसियन कप खेल्नेछ ।
आजको खेलमा नेपालले १३ कर्नर पाएको थियो तर फिनिसिङको अभावमा गोल भने हुन सकेन ।
आजको बराबरीसँगै हङकङको भने आशा जिवितै रहेको छ । उसले अर्को खेलमा फिलिपिन्ससँग खेल्ने छ ।
समुह ‘एफ’ मा रहेको नेपालले २ खेलमा १ अंक बनाएको छ । यसभन्दा अघि भएको २ खेलमा भने नेपाल हङकङसँग पराजित भएको थियो ।