राखेपका नयाँ सदस्यले लिए सपथ
- नेप्लेज
- |
- २०७७-०७-०३
- |
- 127 पटक हेरिएको
नेपाल सरकारको मन्त्रीपरिषद्बारा अघिल्लो साता मनोनित भएको राष्ट्रिय खेलकुद परिषद्का सदस्यले औपचारिक रुपमा सपथ लिएका छन ।
भदौ २९ गते मन्त्रीपरिषद्को बैठकले मनोनित गरेका ११ जना सदस्यलाई खेलकुद मन्त्री जगत विश्वकर्माले सपथ खुवाए ।
राखेपको बोर्ड सदस्यमा हरी खड्का, मानदेव हजारा, पुरेन्द्र लाखे, राजेश गुरुङ, मोहमद सागिर शेख, नन्दा बस्याल, एकेन्द्र कुँवर, चन्द्रबन्दना राई, सुमित्रा चौधरीलाई मनोनित गरेका थिए ।
यस्तै परिषद् अध्यक्षको रुपमा खेलकुद मन्त्री जगत विश्वकर्माले खेलकुद संघको सिफारिसमा रेनुका श्रेष्ठ र सुवर्णा श्रेष्ठलाई नियुक्त गरेका थिए ।
कार्यक्रममा बोल्दै मन्त्री विश्वकर्माले परिषदमा खेलकुद बुझेका सदस्य आएको बताए ।