म्यान्चेष्टर सिटी एफ ए कपको पाचौं चरणमा
- नेप्लेज
- |
- २०७४-१०-१४
- |
- 213 पटक हेरिएको
माघ १४ । क्यार्डियाफ सिटीलाई २–० ले हराउँदै प्रिमियर लिग लिडर म्यान्चेष्टर सिटी एफ ए कपको पाचौं चरणमा पुगेको छ ।
कार्डियाफ स्टेडियममा आइतबार राती भएको खेलमा केभिन डि ब्रुयन र रहिम स्टर्लिङले गोल गर्दा सिटीले कार्डियाफलाई हराएको हो ।
खेलको आठौं मिनेटमा नै डि ब्रुयनले गोल गर्दै सिटीलाई अग्रता दिलाएका थिए । उनले फ्रिकिकलाई कार्डियाफको वालमुनिबाट गोल गरेका जालीको कुनामा गोल गरेका थिए । ३७ औं मिनेटमा स्टर्लिङ्ले बर्नाडो सिल्भाको क्रसलाई हेडमार्फत पोस्टको दिशा दिए । र, म्यान्चेष्टर सिटीलाई २–० को अग्रता दिलाए ।
सिटीले दोस्रो हाफमा कुनै गोल नगर्दा पहिलो हाफकै अग्रतामा खेल जित्यो ।