नेपाली क्रिकेट टिमसँग पूर्णरुपमा काम गर्ने मन छ : डा. तिरुवा
- नेप्लेज
- |
- २०७६-११-३०
- |
- 240 पटक हेरिएको
नेपालका डा. पुरन तिरुवा अहिले भारतको मुम्बईमा फिजियोको रुपमा कार्यरत छन् । भारतीय सुपरस्टारहरु अमिर खान र सल्मान खानसँग काम गरिसकेका उनी नेपाली क्रिकेटसँग पनि परिचित छन् ।
एभरेष्ट प्रिमियर लिग ईपीएलका लागि गत सिजनमा फ्रेन्चाईज क्लब भैरहवासँग आवद्ध भएको तिरुवा यस सिजनका लागि पनि नेपाल आएका थिए । तर कोरोना भाइरसका कारण प्रतियोगिता स्थगित भएपछि तिरुवा अब भारत फर्कने तयारीमा रहेका छन् ।
उनै डा. तिरुवासँग हामीले नेपाली क्रिकेटमा फिजियोको भूमिकाका विषयमा कुरा गरेका थियौं । कुराकानीका क्रममा उनले मुम्बई छाडेर नेपालमै काम गर्ने इच्छा रहेको बताएका छन् ।