पुलिसमाथि मच्छिन्द्रकाे संघर्षपुर्ण जित
- नेप्लेज
- |
- २०७६-१०-०८
- |
- 181 पटक हेरिएको
सहिद स्मारक ए डिभिजन लिगमा नेपाल पुलिस क्लवलाई हराउँदै मच्छिन्द्र क्लवले शिर्ष स्थानको आर्मीसँग अंक बराबरी गरेको छ । आज भएको खेलमा मच्छिन्द्रले पुलिसलाई एक शुन्यले हरायो ।
त्रिपुरेश्वर स्थित दशरथ रंगशालामा भएको खेलको पहिलो हाफ गोलरहित बराबरी भएको थियो । त्यसो त पहिलो हाफको इन्जुरी समयमा मच्छिन्द्रले गोल गरेको थियो । तर त्यसलाई रेफ्रिले अफसाइड दिए । रञ्जित धिमालको फ्रिकिकमा पिटर सेगुनले गोल गरेका थिए ।
तर अफसाइड दिइयो । तर दोस्रो हाफको सुरुवातमा नै मच्छिन्द्रले अग्रता बनाएको हो । ५८ औं मिनेटमा रञ्जित घिमालले गोल गरे ।
त्यसपछि पुलिस खेलमा फर्कन सकेन र स्टार खेलाडीले भरीएको मच्छिन्द्रले संघर्षपुर्ण जित निकाल्न सफल भयो । उसले आठ खेलमा १६ अंक बनाउँदै शिर्ष स्थान रहेको आर्मीसँग अंक बराबरी गरेको हो ।
तर एक खेल कम खेलेको र गोल अन्तरमा अगाडी हुँदा आर्मी शिर्ष स्थानमा यथावत रहेको छ । पुलिसको आठ खेलमा ११ अंक छ ।
खेलकाे हाइलाइट्स