न्यू डायमण्ड महिला भलिबलकाे उपाधि फेरीपनि एपीएफले जित्याे
- नेप्लेज
- |
- २०७६-०९-२७
- |
- 226 पटक हेरिएको
न्यू डायमण्ड कप महिला राष्ट्रिय भलिबल प्रतियोगिताको उपाधि फेरीपनि एपीएफ क्लवले जितेको छ । फाइनलमा आयोजक न्यू डायमण्डलाई तीन शुन्यको सोझो सेटमा हराउँदै एपीएफले उपाधि उचाल्यो ।
गंगोबु स्थित ढोरपाटन भलिबल क्लवको कोर्टमा भएको फाइनलमा एपीएफले न्यू डायमण्डलाई २५–२०, २५–२३ र २५–१८ को सेटमा हरायो ।
खेलको सुरुवात देखि नै राष्ट्रिय खेलाडीले भरिएको एपीएफले न्यू डायमण्डलाई दबावमा राखेको थियो ।
जसमा पहिलो सेट एपीएफले २५–२० ले जित्यो । दोस्रो सेट २५–२३ ले आफ्नो पक्षमा पारेको एपीएफले तेस्रो सेट २५–१८ ले जित्न सफल भयो ।
उपाधिसँगै एपीएफले ४ लाख १ हजार १ रुपैयाँ प्राप्त गरेको छ । न्यु डायमण्डले ३ लाख १ हजार १ सय रुपैयाँमा चित्त बुझायो ।