१३ औं साग पुरुष भलिबल : नेपालको प्रतिस्पर्धा आज भारतसँग
- नेप्लेज
- |
- २०७६-०८-१३
- |
- 171 पटक हेरिएको
काठमाडौं, १३ मंसिर । १३ औं दक्षिण एसियाली खेलकुद साग अन्तर्गत भलिबल खेल आज पनि हुँदै छ । त्रिपुरेश्वरस्थित राखेप कर्भडहलमा राति ७ बजे नेपालले भारतसँग प्रतिस्प्रर्धा गर्ने छ ।
पहिलो खेलमा बंगलादेशसँग पराजित भएको नेपाललाई सेमिफाइनलमा पुग्नका लागि आज भारतमाथि जित निकाल्नु पर्ने दवाव छ । जारी प्रतियोगिताको स्वर्ण पदकको दावेदार टिम भारतले बंगलादेशलाई पराजित गर्दै प्रतियोगिताको सुरुआत गरेको थियो । आजै राति श्रीलंका र माल्दिभ्स पनि आमने सामने हुने छन् ।
पुरुष भलिबल अन्तर्गत अपरान्ह ५ बजे श्रीलंका र माल्दिभ्स भिड्ने छन् । महिला भलिबल तर्फ आज दिउँसो १ बजे भारत र बंगलादेश तथा दिउँसो तीन बजे श्रीलंका र माल्दिभ्स भिड्ने छन् ।