डव्ल्यूसीएल : विराटनगरकाे पहिलाे हार काठमाडाैं ५३ रनले विजयी
- नेप्लेज
- |
- २०७६-०७-०२
- |
- 324 पटक हेरिएको
काठमाडौं, २ कार्तिक । वुम्सन च्याम्पिन्यस लिग क्रिकेटमा क्याट क्वीन्स काठमाडौंलले दाेस्रो जीत निकालेको छ । काठमाडौंले विराटनगरलाई ५३ रनले पराजित गरेको हो । विराटनगरको यो पहिलो हार हो ।
काठमाडौंले दिएको १४० रनको लक्ष्य पछ्याएको विराटनगर निर्धारित ओभरमा ५ विकेट गुमाएर ८७ रन मात्रै बनाउन सक्यो ।
विराटनगरका लागि लक्ष्मी चौधरीले सर्वाधिक ४० रन बनाउँदा डली भट्टले १३ रन बनाएकी थिइन् ।
काठमाडौंकी सुमन विष्टले २ विकेट लिँदा रुविना क्षेत्री र ईश्वरी विष्टले एक एक विकेट लिइन् ।
टस हारेर पहिला ब्याटिङ गरेको काठमाडौंले निर्धारित ओभरमा २ विकेट गुमाएर १३९ रन बनाएको थियो । काठमाडौंका लागि रोमा थापाले अर्धशतक पुरा गरिन् ।
जारी प्रतियोगितामा अर्धशतक बनाउने रोमा छैटौं खेलाडी बनिन् । रोमाले आज नट आउट ५३ रन बनाउँदा कप्तान रुविना क्षेत्रीले नट आउट ३५ रनको योगदान गरिन् ।
यसैगरी रश्मी चौलागाईले ३४ रन जोडेकी थिइन् । विराटनगरकी डली भट्टले एक विकेट लिइन् ।