Prabhu Bank

ह्यान्डबल टोली भारत प्रस्थान

Kelme Nepal
Mega Bank
  • नेप्लेज
  • |
  • २०७४-१२-१५
  • |
  • 4 पटक हेरिएको

चैत १५, काठमाडाैं । दक्षिण एसियाली महिला ह्यान्डबल च्याम्पियनसिपमा सहभागी हुन नेपाली टोली बिहीबार भारतको लखनउ प्रस्थान गरेको छ । मार्च ३१ र देखि अप्रिल ३ तारिखसम्म हुने प्रतियोगितामा १४ खेलाडीसहित २१ सदस्यीय नेपाली टोली सहभागी हुनेछ ।

विभागीय खेलाडीको बाहुल्य रहेको टोलीमा १२ खेलाडी विभागीय टोलीका छन् । बाँकी २ उदयपुर जिल्लाबाट रहेका छन् । नेपाली सेनाका मन्जु राउत, विष्णा बोगटी, शान्तिकला राई, देवकुमारी बाँस्कोटा, दुर्गा बोहरा र कल्पना वली, एपीएफका उमा राई, बन्दना राई, पार्वती चौधरी, कविता राई, आइतलमु शेर्पा र संगीता चौधरी तथा उदयपुरका जिना राई र निशा राईले प्रतिस्पर्धा गर्नेछन् ।

व्यवस्थापकमा रामकृष्ण केसी, प्रशिक्षकमा अरुणलाल कर्ण र रमेश सापकोटा, अफिसियलमा रत्नज्योति मानन्धर र साजकुमार आले तथा निर्णायकमा प्रकाश सुनुवार र रन्जना राई छन् ।

टोलीलाई युवा तथा खेलकुद मन्त्री जगतबहादुर सुनार (विश्वकर्मा) र राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच सातदोबाटोमा बिदाइ गरे ।

भर्खरै

Advertisement