आर्मी फाइनलमा
- नेप्लेज
- |
- २०७६-०५-२८
- |
- 181 पटक हेरिएको
प्रकाश दाहाल स्मृति प्रगतिशिल युवा नेपाल कप राष्ट्रिय खुल्ला पुरुष भलिबल प्रतियोगितामा त्रिभुवन आर्मी क्लबले फाइनलमा स्थान बनाएकाे छ ।
नयाँ बसपार्कस्थित ढोरपाटन क्लबको खेल मैदानमा भएको पहिलो सेमिफाइनलमा आर्मीले गण्डकी प्रदेशलाई ३-१ को सेटमा पाखा लगायाे । आर्मीले गण्डकीलाई २५-१९,२५-२१, १९-२५ र २५-१७ को सेटमा हराउँदै उपाधि नजिक पुगेकाे हाे ।
अब आर्मीले उपाधिका लागि नेपाल पुलिस क्लब र एपीएफ क्लबबीचको विजेतासँग खेल्नेछ ।
प्रतियोगिताको विजेताले ५ लाख रुपैयाँ, दोस्रोले ३ लाख, तेस्रोले १ लाख र चौथोले ५० हजार रुपैया पाउने छन् ।