माईलस्टोन कलेज एक्सपर्ट कलेज प्रिमियर लिगको सेमिफाइनलमा
- नेप्लेज
- |
- २०७४-१२-०३
- |
- 312 पटक हेरिएको
चैत्र ३, काठमाडाैं । माईलस्टोन कलेज एक्सपर्ट कलेज प्रिमियर लिग सेमिफाइनलमा प्रवेश गरेको छ । शनिबार भएको खेलमा माइलस्टोनले केसीसी कलेजलाई ६३ रनले हरायो ।
टस हारेर ब्याटिङको निम्तो पाएको माईलस्टोनले २० ओभरमा ९ विकेट गुमाउँदै १ सय ४९ रन बनाएको थियो ।
उसका लागी निरज पाल ठकुरी ५९ रन र अमित कुश्वाले २५ रन जोडेका थिए । बलिङ तफ केसीसीका सन्तोष शाहले ३ विकेट लिए ।
जवाफमा केसीसी १७.२ ओभरमा मात्र ८६ रनमा अलआउट भयो । उसका लागी संन्तोष साह र प्रमान्नद भट्टले समान १०– १० रन जोडेका थिए ।
माईलस्टोन कलेजका निरज पाल ठकुरी ४ ओभर १७ रन र ४ विकेट लिएका थिए ।