फुटसल : गुरुकुललाई उपाधि
- नेप्लेज
- |
- २०७६-०२-१७
- |
- 202 पटक हेरिएको
गुरुकुल एफसीले चौथो रियो एसइइ छात्र फुटसल प्रतियोगिताको उपाधि शुक्रबार जितेको छ ।
क्याम्पियन एकेडेमीद्वारा आयोजित प्रतियोगिताको फाइनलमा गुरुकुलले कीर्तिपुरलाई ७–१ गोलले पराजित ग¥यो । विजयी टिमका लागि सन्दिप केसी र आयुश लामाले ह्याट्रिक गरे भने सुनील भण्डारीले १ गोल गरे । उपाधिसंगै गुरुकुलले ५० हजार तथा कीर्तिपुरले ३० हजार नगद पुरस्कार हात पारे ।
एसओएसका उत्तम शाही उत्कृष्ट खेलाडी घोषित भए । गुरुकुलका विजय पुन मगर उत्कृष्ट गोलरक्षक चुनिए भने कीर्तिपुरका स्वर्णिम श्रेष्ठ सर्वाधिक गोलकर्ता बने । स्वर्णिमले प्रतियोगिताभर १४ गोल गरे ।
तीनैले समान ५–५ हजार नगद पुरस्कार पाए । विजेतालाई राष्ट्रिय फुटबलर भरत खवासले एक कार्यक्रमबीच पुरस्कृत गरे । जेठ १२ गतेदेखि सुरु प्रतियोगितामा ३१ टिमले लिग कम नकआउट आधारमा प्रतिस्पर्धा गरेका थिए ।