गाैरीकाकाे फेरी राष्ट्रिय कीर्तिमान, कुल स्वर्ण ८ पुर्याइन्
- नेप्लेज
- |
- २०७६-०१-१०
- |
- 187 पटक हेरिएको
आठौं राष्ट्रिय खेलकुद अन्तर्गत ओलम्पियन गौरीका सिंहले ब्यक्तिगत स्वर्ण संख्या आठ पुर्याएकी छिन । आज भएको प्रतिस्पर्धामा गौरीकाले एउटा राष्ट्रिय कीर्तिमान सहित तीन स्वर्ण जितीन ।
नेपालगञ्जमा भएको प्रतिस्पर्धामा गौरीकाले महिला एक सय मिटर बटरफ्लाइमा एक मिनेट सात दशमलव नौ सात सेकेण्डको समय निकाल्दै स्वर्ण जितीन । उनले आफ्नै नाममा रहेको एक मिनेट आठ दशमलव ६ तीन सेकेण्डको समय सुधार गरिन ।
यस्तै उनले २०० मिटर फ्रिस्टाइलमा पनि स्वर्ण हात पारिन । निर्धारीत दुरी उनले दुई मिनेट नौ दशमलव १९ सेकेण्डमा पुरा गरिन । दोस्रो स्थानमा डौना लामा रहिन ।
महिला दुई सय मिटर ब्याकस्ट्राकको स्वर्णपनि गौरिकाले नै जितीन । उनले दुई मिनेट ४१ दशमलव २५ सेकेण्डको समय निकाल्दै पहिलो भइन । दोस्रो स्थानमा अनुस्का पोखरेल रहित ।
यस्तै महिला चार गुणा एक सय मिटर रिलेमा गौरीका सम्मिलित आर्मीको टिमले स्वर्ण जित्यो । पुलिसको टिमलाई पछि पारेको आर्मीले चार मिनेट ५१ दशमलव ८९ सेकेण्डमा दुरी पुरा गर्यो । गौरीकाले पौडीको पहिलो दिन दुई र दोस्रो दिन दुई स्वर्ण जितेकी थिइन ।
पुरुष तर्फ आर्मीका अनुभव सुब्बाले एक सय मिटर बटरफ्लाइमा नयाँ रेकर्ड बनाउदै स्वर्ण जिते । उनले हिट चरणमा एक मिनेट ५३ मिलिसेकेण्डको समय निकाल्दै राष्ट्रिय कीर्तिमान बनाए । तर फाइनल राउण्डमा उनले एक मिनेट ६२ मिलिसेकेण्डको समय निकाल्दै स्वर्ण जिते ।
पुरुषकै ५० मिटर ब्रेष्स्टोकमा एपीएफका शुभंम श्रेष्ठले राष्ट्रिय कीर्तिमान सहित स्वर्ण जिते । उनले हिट चरणमा ३१ दशमलव ६० सेकेण्डमा दुरी पुरा गर्दै रेकर्ड बनाएका थिए । फाइनल राउण्डमा उनले ३१ दशमलव ९० शुन्य सेकेण्डको समय निकाले ।