नामी कप थ्री बाई थ्री बास्केटबलमा घरेलु टोली क्वाटरफाइनलमा
- नेप्लेज
- |
- २०७५-१०-०६
- |
- 129 पटक हेरिएको
काठमाडौं, ६ माघ । नामी कप थ्री बाई थ्री अन्तर ए लेभल बास्केटबल प्रतियोगितामा घरेलु टोली क्वाटर फाइनलमा पुगेको छ । आइतबारदेखि शुरु भएको प्रतियोगितामा आयोजक नामी कलेजले साइपल कलेजलाई पराजित गर्दै क्वाटरफाइनलमा स्थान बनाएको हो ।
आइतबारको नतिजासँगै नामी कलेज, ब्रिटिस, मल्पी, एस, एलए, ओरिएन्ट र ट्रिनिटी कलेज क्वाटर फाइनलमा पुगे । व्रिटिसले रुपीसलाई ७–३ ले पराजित गर्दा घरेलु टोली नामीले साइपलमाथि १८–३ को फराकिलो स्कोरले पाखा लगाएको थियो । यस्तै मल्पीले साईपालमाथि २०–८ को स्कोरमा जित निकालेको थियो ।
साइपालले एकै दिन दुई पटक प्रतिस्पर्धा गरेको थियो । यस्तै एस कलेजले कास्टमण्डपलाई १५–१३ को कठिन स्कोरमा पराजित गरेको थियो ।
ट्रिनिटीले एलए माथि ६–३ को जित निकाल्दा ओरिएन्टले एसलाई १०–८ को स्कोरमा निराश बनाएको थियो ।