एपीएफलाई हराउँदै मनाङ हेटौंडा गोल्डकपको सेमिफाइनलमा
- नेप्लेज
- |
- २०७४-११-०५
- |
- 154 पटक हेरिएको
फागुन ५, मकवानपुर । विभागीय टिम सशस्त्र प्रहरी बलको एपीएफ क्लवलाई हराउँदै मनाङ मर्स्याङदी क्लव सुमन भोम्जन स्मृति हेटौंडा गोल्डकपको सेमिफाइनलमा प्रवेश गरेको छ ।
हेटौंडामा भएको उद्घाटन खेलमा मनाङले एपीएफलाई १–० गोलले हरायो ।
प्रतिस्पर्धात्मक बनेको खेलको सुरुवातमा दुबै टिमवीच तालमेल राम्रो हुन सकेको थिएन ।
२८औं मिनेटमा एपीएफका रमेश डंगोलले मनाङका भिक्टरलाई डिबक्समा फल गरेपछि पाएको पेनाल्टीलाई सुजल श्रेष्ठले गोल गर्न सफल भए । त्यहि गोल मनाङको जितमा निर्णायक बन्यो ।
३३औं मिनेटमा मनाङले अर्को गोलको मौका गुमायो । उसका विमल रानाले वन भर्सेस वनको मौका खेर फाले ।
त्यसपछि एपीएफले खेलमा फर्कन धरै प्रयास गरेपनि सफल हुन सकेन र पहिलो खेलबाट नै बाहिरीयो ।