नयाँ फिफा बरियतामा नेपाल कुन स्थानमा ?
- नेप्लेज
- |
- २०७४-११-०३
- |
- 213 पटक हेरिएको
फागुन ३, काठमाडौं । विश्व फुटबल महासंघ फिफाले सार्वजनिक गरेको नयाँ बरियतामा नेपाल १६५औं स्थानमा यथावत छ ।
अघिल्लो बरियतामा ६ स्थान सुधार गर्दै १६५औं स्थानमा पुगेको नेपाल बिहीबार सार्वजनिक गरिएको नयाँ बरियतामा यथावत रहेको हो ।
दक्षिण एशियाली बरियतामा नेपाल तेस्रो स्थानमा यथावत छ । भारत १०२औं वरियतामा छ भने माल्दिभ्स १५०औं स्थानमा यथावत छ । त्यस्तै भुटान १८८औं, बंगलादेश १९७औं, श्रीलंका २००औं र पाकिस्तान २०३औं स्थानमा छन् ।
विश्व वरियताको शीर्ष स्थानमा जर्मनी यथावत छ । वरियताको १ देखि १७ स्थानसम्म अघिल्लो महिनाकै यथावत छ ।