नेपालले एएफसी एसियन कप छनोटको तेस्रो चरणअन्तर्गत मंगलबार घरेलु टोली लाओससँग प्रतिस्पर्धा गर्दैछ।

यो खेल लाओसको राजधानी भियनतियानस्थित न्यु लाओस नेसनल स्टेडियममा हुनेछ।

खेल नेपाली समयअनुसार साँझ ५:४५ बजे सुरु हुनेछ।यो दुवै टोलीका लागि तेस्रो चरणको दोस्रो खेल हो।

नेपालले आफ्नो पहिलो खेलमा मलेसियासँग २–० को स्कोरले हार बेहोरेको थियो। अर्कोतर्फ, लाओसलाई भियतनामले पहिलो खेलमा ५–० को फराकिलो अन्तरले पराजित गरेको थियो।

यस पराजयले दुवै टोलीमाथि पहिलो जित हासिल गर्ने दबाब छ, र मंगलबारको खेलमा उनीहरूले आफ्नो प्रदर्शन सुधार्ने प्रयास गर्नेछन्।

नेपाल र लाओस दुवैले यो खेललाई महत्वपूर्ण अवसरको रूपमा हेरेका छन्। नेपालका लागि यो खेल छनोटको आगामी चरणमा पुग्ने सम्भावनालाई जीवित राख्ने अवसर हो।

नेपाली टोलीले रणनीतिक सुधार र आक्रामक खेल प्रदर्शन गर्ने अपेक्षा गरिएको छ। एएफसी च्याम्पियनसीप अन्तर्गत तेस्रो चरणमा घरेलु टोली लाओसविरुद्धको खेललाई सामान्य रुपमा नलिएको नेपाली राष्ट्यि फुटबल टोलीका प्रशिक्षक म्याट रसले बताएका छन् ।

मंगलबार बेलुका प्रि कन्फ्रेसका क्रममा प्रशिक्षक रसले घरेलु मैदानमा लाओसले केही फाइदा लिन सक्ने हुनाले पनि आफूहरु सचेत रहेको बताएकाछन् ।

लाओस घरेलु मैदानमा कडा प्रतिस्पर्धीका रुपमा रहन सक्ने बताउँदै उनले भने, “मलाई लाग्छ । लाओस पूर्णरुपमा संगठित टोली हो । अत्यन्त आक्रमक रहेको लाओसविरुद्ध केही कमजोरी गर्दा टोली डरलाग्दो बन्न सक्छ । त्यसैले पनि हामीले भोलीको खेललाई अत्यन्त गंभीरतापूर्वक लिएकाछौ । त्यसैले पनि दुवै टोली अंक बढाउन तयार अवस्थामा रहेकाछन् ।” सोही क्रममा प्रशिक्षक रसले टोलीमा केही परिवर्तन हुने संकेत गरेकाछन् ।

हंगकंगविरुद्ध खेलेको टोली नै मैदानमा उत्रनेमा केही संशय रहेको बताउँदै उनले भने, हंगकंगविरुद्ध मैदानमा उत्रिएको टोलीमा केही फेरबदल हुन सक्छ । संभवतः हामी बलियो टोली मैदानमा उतार्नेछौ । हंगकंगविरुद्धको खेलमा डिफेन्स सनिश श्रेष्ठ घाइते अवस्थामा रहेकाछन् ।

प्रेस कन्फ्रेन्सका क्रममा नेपाली टोलीका कप्तान किरण चेम्जोंगले लाओसविरुद्ध खेल्न सधै सकारात्मक रुपमा तयार रहेको बताए ।

उनले भने, “लाओसविरुद्ध प्रतिस्पर्धा गर्न हामी सधै उत्सुक र तयार रहेकाछौ । पछिल्लो चारवटा खेलमा मैले पनि सहभागिता जनाएको छु । त्यसैले पनि भोलीको खेलका लागि हामी शारिरीक र मानसिक रुपमा तयार रहेकाछौ ।”

साउदी अरबमा हुने च्याम्पियन्सीपका लागि जारी छनोट अन्तर्गत समूह एफको पहिलो चरणको खेलमा नेपाली टोलीले अवे अन्र्तगत बुधबार लाओससंग प्रतिस्पर्धा गर्दैछ । यसअघिका विभिन्न ६ वटा खेलमा नेपालले ४ वटामा जित र दुई वटामा बराबरी खेलेको छ ।

यद्धपी, लाओसको घरेलु मैदानमा नेपालले एकमा जित र एकमा बराबरी गरेको छ । तेस्रो चरणको खेल अन्तर्गत नेपालले मलेशियासंग २ शुन्य र लाओसले भियतनामसंग ५ शुन्यको हार ब्यहोरिसकेको छ ।