सरकारले युवा तथा खेलकुद क्षेत्रमा ६ अर्ब ८ करोड बजेट विनियोजन गरेको छ । उपप्रधान तथा अर्थमन्त्री विष्णु पौडेलले विहीबार संघीय संसद्को संयुक्त बैठकमा आर्थिक वर्ष २०८२/८३ को बजेट प्रस्तुत गर्दै यो जानकारी दिएका हुन् ।

सरकारले सुर्खेतमा हुने दशौं राष्ट्रिय खेलकुद प्रतियोगिताका लागि करोड बजेट विनियोज गरेको जनाएको छ । यसैगरी खेल क्षेत्रको पूर्वाधार निर्माणका लागि निजी क्षेत्रलाई प्रोत्साहन गर्ने पनि बजेटमा उल्लेख गरेको छ ।

गत वर्ष सरकारको खेलकुद बजेटको वितरण यस्तो थियो

त्यसैगरी दमकमा आधुनिक रंगशाला निर्माण गरिने छ भने यस पटक हाइ अल्टीच्युट खेलकुदले बजेटमा फेरि प्रवेश पाएको छ । त्रिवि क्रिकेट मैदानका लागि ४० करोड बजेट व्यवस्था गर्दा अन्य क्रिकेट रंगशालाका लागि ४० करोड विनियोजन गरेको मन्त्री पौडेलले जानकारी दिए । यसैगरी चितवनमा निर्माणाधिन गौतमबुद्ध अन्तर्राष्ट्रिय क्रिकेट रंगशाला सरकारले लिने प्रक्रिया अघि बढाइने छ ।