इंग्लिस प्रिमियर लिग फुटबलमा नटिङघम फरेस्टले दोस्रो स्थानमा रहेको आर्सनलसँग अंक बराबरी गरेको छ । 

पहिलो हाफमा एन्डरसन, हडसन–ओडोईका र क्रिस वुडको गोलले फरेस्टलाई ३–० को अग्रता लिएको थियो ।  

जेन बेन्डरनेकले ६० औं मिनेटमा गोल गर्दै साउथह्याम्पटनलाई खेलमा फर्काउने प्रयास गरे । 

६६ औं मिनेटमा मिल्नोभिकको गोललाई भारले मान्यता नदिँदा नटिङघमले चौथो गोल गर्न असफल भयो । 

दोस्रो हाफको इन्ज्योरी टाइममा पौल ओनुचले गोल गरेपछि साउथ ह्याम्पटन ३–२ को अन्तरमा आएको पनि थियो । पराजित भएको साउथह्याम्पटन भने पुच्छारमा छ । साउथह्याम्पटनलाई आइतबार ३–२ गोल अन्तरले पराजित गरेपछि नटिङघमले आर्सनलसँग समान ४४ अंक बनाएको हो ।

शीर्ष स्थानमा रहेको लिभरपुलको ५० अंक रहेको छ । लिभरपुलले २१ खेल खेल्दा आर्सनल र नटिङघमले २२–२२ खेल खेलेका छन् ।