मोन्जाले सोमबार सिरिए एमा उच्च स्थानको फिओरेन्टिनालाई २-१ ले पराजित गर्दै अप्रत्याशित जित हासिल गरेको छ।

यो जित मोन्जाको लागि अक्टोबरदेखि पहिलो जित हो र यसले पाँच खेलको हारको शृङ्खला तोडेको छ।

यो जितपछि पनि मोन्जा तालिकाको पुछारमै छ । फिओरेन्टिना, जसले यो खेल जितेको भए युभेन्टसलाई उछिन्न सक्थ्यो, हाल छैटौं स्थानमा छ।

खेलको ४३औं मिनेटमा मोन्जाका मिडफिल्डर प्याट्रिक च्युरियाले मौका सदुपयोग गर्दै उत्कृष्ट गोल गरे। यो सिजन चोटका कारण धेरै समय मैदान बाहिर रहेका च्युरियाको यो पहिलो गोल थियो।

दोस्रो हाफ सुरु हुनेबित्तिकै फिओरेन्टिनाले अल्बर्ट गुदमुण्ड्सनलाई परिवर्तन गर्दै लुकास बेल्ट्रानलाई मैदान उतारे। बेल्ट्रानले ५४औं मिनेटमा गोल गर्ने मौका पाए पनि उनको प्रहार गोल लाइनबाट क्लियर गरिएको थियो ।

६४औं मिनेटमा ड्यानियल माल्दिनीले मोन्जाको लागि दोस्रो गोल गरे।

त्यसपछि ७४औं मिनेटमा बेल्ट्रानले पेनाल्टीमार्फत गोल गर्दै खेललाई रोचक बनाए पनि फिओरेन्टिना पुन: बराबरीमा ल्याउन असफल रह्यो।