सानै उमेरदेखि फुटबल खेलको बिकासका लागि काठमाडौं किकर्स एकेडेमीले सुरु गरेको युथ लिग सम्पन्न भएको छ ।  

५ हप्तासम्म सञ्चालन भएको युथ लिग शनिबार सम्पनन भएको हो । किकर्स एकेडेमी युथ लिगमा विभिन्न उमेर समूहमा खेलाडीहरुले सहभागी जनाएका थिए । जसमा यु–८ को ४ टीममा २६ खेलाडी, यु–१० को ६ वटा टीममा ६२ खेलाडी, यु–१२ को ६ टीममा ६५ खेलाडी गरि १ सय ५३ खेलाडी लिगमा सहभागी भएको एकेडेमीका निर्देशक आशिष अधिकारीले बताए ।

उहाले साना उमेरका लागि लिग नभएकाले एकेडेमी आफैले लिगको आयोजना गरेको जानकारी दिनुभयो । युथ लिगमा उत्कृष्ट भएका खेलाडीहरुलाई देशबाहिर हुने प्रतियोगीतामा सहभागी गराइने उनको भनाइ छ ।  

युथ लिग समापनका क्रममा उत्कृष्ट खेलाडीहरुलाई मेडल प्रदान गरिएको थियो । सानै उमेरका खेलाडीहरुलाई उच्चस्तरको प्रशिक्षणसहित नेपाली फुटबल क्षेत्रको विकासमा योगदान पुराउने उद्देश्यसहित काठमाडौं किकर्सले खेलाडीहरुको प्रशिक्षण सञ्चालन गर्दै आएकोउनले बताए ।