काठमाडौँ । प्रिमियर लिग क्लब आर्सनलले युइएफए च्याम्पियन्स लिग अन्तर्गतको खेलमा पोर्चुगलको क्लब स्पोर्टिंगलाई फराकिलो अन्तरले पराजित गरेको छ।

मंगलबार राति भएको खेलमा आर्सनलले स्पोर्टिंग सिपीलाई ५–१ गोल अन्तरले पराजित गरेको हो।

आर्सनलको जितमा गार्बियल मार्टिनेली, काइ हाभेर्ट, गाब्रियल मागालहाएज, बुकायो साका र लीन्द्रो ट्रोसार्डले एक एक गोल गरेका थिए। त्यस्तै स्पोर्टिंगका लागि एक गोल गोन्कालो इनासियोले गरेका थिए।

जीतसँगै आर्सनलले पाँच खेलबाट १० अंक जोडेर सातौं स्थानमा उक्लिएको छ। त्यस्तै स्पोर्टिंगको पाँच खेलमा १० अंक नै छ र लिगमा आठौ स्थानमा रहेको छ।