काठमाडौं । टोटेनहम हटस्परले इङ्लिस प्रिमियर लिगमा शानदार पुनरागमन जीत हासिल गरेको छ। 

घरेलु मैदान टोटेनहम हटस्पर स्टेडियम एस्टन भिल्लामाथि ४–१ को सानदार पुनरागमन जीत हासिल गरेको हो। 

टोटेनहमको जीतमा सोलंकेले दुई गोल गरे। यस्तै ब्रेनन जोनसन र जेम्स म्याडिसनको नाममा एक गोल रह्यो। यता, भिल्लाको लागि मोर्गन रोजर्स गरेको गोल सान्त्वना बन्यो।

पहिलो हाफमा १–० गोलले पछि परेको टोटेनहम हटस्परले दोस्रो हाफमा सानदार पुनरागमन गर्दै चार गोल गर्न सफल भयो। 

खेलको ३२औँ मिनेटमा मोर्गन रोजर्सको गोलबाट सुरुआती अग्रता बनाएको भिल्ला उक्त अग्रता दोस्रो हाफमा जोगाउन सकेन। 

४९औँ मिनेटमा ब्रेननले गोल गर्दै टोटेनहमलाई १–१ को बराबरी अवस्थामा ल्याएका थिए। ७५औँ र ७९औँ मिनेटमा सोलंकले गोल गदै ३–१ को अग्रता दिलाए।  त्यसपछि इन्जुरी समयको छैटौँ मिनेटमा जेम्सले गोल गर्दै टोटेनहमको जीत पक्का गरे। 

जीतसँग टोटेनहम हटस्परले जारी सिजन १० खेलबाट १६ अंकसहित सातौँ स्थानमा उक्लिएको छ। यता, पराजिच एस्टन भिल्ला भने समान खेलबाट १८ अंकसहित पाँचौँ स्थानमा यथावत् छ।