काठमाडौं । स्पेनिस ला लिगामा आइतबार राति चार खेल हुँदैछ।

१२औँ साताको खेल अन्तर्गत एथ्लेटिकको मड्रिडले लस पाल्मासको सामना गर्दै छ। यी दुई टोलीबीचको खेल नेपाली समयअनुसार आइतबार साझ ६ ४५ बजेबाट सुरु हुनेछ। जारी सिजन ११ खेलबाट २० अंक रहेको एथ्लेटिकको पाँचौँ स्थानमा छ। समान खेलबाट ९ अंक रहेको लास पाल्मास पूछारबाट तेस्रो स्थानमा छ।

यस्तै अर्को खेलमा शीर्ष स्थानको बार्सिलोनाले स्पान्योलको सामना गर्दैछ। यो खेल नेपाली समयअनुसार राति बार्सिलोनाको मैदानमा ९ बजे सुरु हुनेछ।

स्टेडिओ ओलम्पिक लुइस मेदानमा घरेलु टोली बार्सिलोना आफ्नो लय कायम राख्ने दाउमा छ। पछिल्लो पाँच खेलमा अपराजित रहेको बार्सिलोनाले इएल क्वासिकोमा रियाल मड्रिडलाई ४–० र च्याम्पियन्स लिगमा बायर्न म्युनिखलाई ४–१ ले पराजित गरेको थियो।

जारी लिगमा खेलेको ११ मध्ये १० खेलमा जित निकाले बार्सिलोना ३० अंकसहित शीर्ष स्थानमा छ। समान ११ खेलबाट २४ अंक जोडेको रियाल दोस्रो स्थानमा छ। 

यस्तै आजै हुने अर्को खेलमा राति ११ १५ बजे सेभिल्लाले रियल सोसिडाको सामना गर्दै छ। यो सेभिल्लाको मैदानमा हुनेछ। सेभिल्ला ११ खेलबाट १५ अंकसहित ११औँ स्थानमा रहँदा समान खेलबाट १२ अंकसहित सोसिडा १४औँ स्थानमा छ। 

राति १ ४५ बजे हुने अर्को खेलमा एथ्लेटिक क्लबले बेटिसको सामना गर्दै छ। ११ खेलबाट १८ अंक रहेको एथ्लेटिकको छैटौँ स्थानमा रहँदा समान अंक रहेको बेटिस सातौँ स्थानमा छ।