विराटनगर । एनवाइइएफ विराटनगर च्याप्टरले आयोजना गरेको अन्तर बैंक फुटसल प्रतियोगिताको उपाधि एनआइसी एसियाले जितेको छ ।

विराटनगरको जाम्बोरी नेक्सर लाउन्ज (जेएनएल)मा आयोजना भएको फुटसलको फाइनलमा एनआइसी एसियाले एनएमबी बैंकलाई २–१ गोल अन्तरले पराजित गर्दै उपाधि जितेको हो ।

उपाधि विजेता एनआइसी एशिया बैंकले नगद ५० हजार जितेको छ । यसैगरी उपा विजेता एनएमबीले २५ हजार प्राप्त गर्न सफल भयो ।

प्रतियोगितामा उपाधि दिलाउन नसके पनि एनएमबी बैंकका मिनराज रेग्मी सर्वाधिक गोलस्कोरर बने । यसैगरी उत्कृष्ट गोलकिपरको उपाधि भने एनआइसी एसिया बैंकका सविन श्रेष्ठले जिते । 

उत्कृष्ट दुवै खेलाडीले जनही ५ हजार रुपैयाँ नगद पुरस्कार पाएका छन् । प्रतियोगितामा १५ वटा वैंकको सहभागिता रहेको थियो । 

शनिबार परेको र कर्पोरेट क्षेत्रको प्रतिस्पर्धा भएकाले दशर्कको भने उल्लेख्य उपस्थिति रहेको आयोजकले जनाएको छ ।  

एनवाइईएफ विराटनगर च्याप्टर युवा व्यवसायीहरूको समूह हो । जसले विराटनगर र वरपरको क्षेत्रको आर्थिक तथा सामाजिक क्षेत्रमा योगदान गर्दै आएको छ ।