काठमाडौं ।  नेपाल भलिबल संघ (एनभिए) र इन्फिनिटी ड्रिम्स प्रालिबीच एभरेस्ट महिला लिगका सञ्चालका लागि सात वर्षको सम्झौता भएको छ। 

शुक्रबार राजधानीमा पत्रकारको सम्मेलन गर्दै नेपाल भलिबल संघका अध्यक्ष जितेन्द्रबहादुर चन्दले इनफिनिटी ड्रिम्स प्रालिसँग ७ वर्षको लागि एभरेस्ट महिला फ्रेन्चाइज भलिबल लिग आयोजना गर्न अनुमति दिएको बताएका छन्। 

इनफिनिटी ड्रिम्स प्रालिले होम र अवे सिद्धान्तको अवधारणा अनुसार देशभर यो लिग आयोजना गर्न अधिकार पाएको हो।

यस लिगको उद्देश्य राष्ट्रिय र अन्तर्राष्ट्रिय क्षेत्रहरूमा भलिबलको स्तर विकास गर्नु र भलिबलमा व्यवसायिकता ल्याउनु साथै नेपालको खेलकुद पर्यटनमा पनि टेवा पुर्याउनु रहेको जनाएको छ।