एथलेटिको मड्रिडले स्पेनिस ला लिगामा आइतबार राति रोमाञ्चक जित निकालेको छ ।

मड्रिडले काडिजलाई घरेलु मैदानमा  ३–२  गोलले पराजित गरेको  छ ।  २७ मिनेटसम्ममा दुई गोलले पछि परेको मड्रिड खेलमा फर्कदै तीन अंक जोड्न सफल भयो । 

मड्रिडका लागि   एन्जल कोरियाले दुई तथा नाहुइल मोलिनाले एक गोल गरेका थिए ।

खेलको १२औं मिनेटमा लुकास पिरेज र २७औं मिनेटमा रोजर मार्टीले गोल गर्दै काडिजलाई २७ औं मिनेटमा दुई गोलको अग्रता दिलाएका थिए ।

दुई गोलले पछाडी रहेको  एट्लेटिकोले यसपछि तीन गोल गर्न सफल भयो । 

३२औं मिनेटमा कोरियाले पहिलो गोल गरे । मोलिनाले ४६औं मिनेटमा बराबरी गोल गरेका हुन् । कोरियाले ६६औं मिनेटमा विजयी गोल गरेका थिए ।