एफ ए कपको उपाधि म्यानचेस्टर सिटीले जितेको छ ।

शनिबार राति भएको खेलमा  सिटीले सहरी प्रतिद्वन्द्वी म्यानचेस्टर युनाइटेडलाई २–१ गोल अन्तरले पराजित गर्दै उपाधि जितेको हो ।

हालै प्रिमियर लिगको उपाधि रक्षा गरेको सिटीले एफए कपको जितसँगै यसै सिजन २ वटा उपाधि आफ्नो पक्षमा पारेको छ ।

वेम्बली रंगशालामा सिटीले पहिलो मिनेटमै अग्रता लिएका थियो ।

सिटीलाई जिताउन दुवै गोल गुन्डोगनले गरेका हुन् ।

पहिलो मिनेटमै गुन्डोगनले केभिन डी ब्रुएनाको पासमा गोल गर्दै सिटीलार्य अग्रता दिलाए ।

तर, ३३ औं मिनेटमा युनाइटेडका बु्रनो फर्नान्डेजले पेनाल्टीमार्फत गोल गर्दै खेल बराबरीमा ल्याए ।

पहिलो हाफ एक एक गोलको बराबरीमा सकिएको खेलमा सिटीले ५१ औं मिनेटमा फेरि अग्रता लिन पुग्यो ।

ब्रुएनाकै पासमा गुन्डोगानले व्यक्तिगत र टिमका लागि दोस्रो गोल गरेका थिए ।

उनको गोलसँगै २–१ को अग्रता लिएका सिटीले उक्त अग्रता कायमै राख्दै अन्ततः एफए कपको उपाधि नै उचाल्न सफल भयो ।