टाइगर कप : महिलातर्फ एपीएफलाई उपाधि
- नेप्लेज
- |
- २०७९-१०-१४
- |
- 822 पटक हेरिएको
पोखरामा जारी तेस्रो टाइगर कप अन्तर्राष्ट्रिय महिला तथा पुरुष भलिबल प्रतियोगिता अन्तर्गत महिलातर्फ एपीएफ क्लबले उपाधि जितेको छ ।
पोखरा रंगशालामा आज भएको फाइनलमा त्रिभुवन आर्मी क्लबलाई ३–१ को सेटमा पराजित गर्दै एपीएफले उपाधि जितेको हो ।
गत संस्करणको पनि विजेता एपीएफल पहिलो सेटमा आर्मीलाई २५–२० ले पछि पार्दै अग्रता लिएको थियो ।
तर दोस्रो सेटमा आर्मी २५–२२ ले बाजी मार्दै सेट १–१ मा ल्याएको थियो ।
त्यसपछिका लगातार २ सेट एपीएफले आफ्नो पक्षमा परेपछि उपाधि जित्न सफल भयो ।
तेस्रो सेट २५–८ ले जितेको एपीएफले चौथो सेट २५–२२ ले आफ्नो पक्षमा पार्न सफल भयो ।
उपाधि जितेको एपीएफले ५ लाख नगद पुरस्कार पाउँदा आर्मीले २ लाख ५० हजार प्राप्त गरेको छ ।