प्रधानमन्त्री देउवाले गरे नवौं राष्ट्रिय खेलकुद प्रतियोगिताको ट्रफि सार्वजनिक

Kelmi
CG
  • नेप्लेज
  • |
  • २०७९-०५-३१
  • |
  • 243 पटक हेरिएको

प्रधानमन्त्री एवं राष्ट्रिय खेलकुद परिषद्का संरक्षक प्रधानमन्त्री शेरबहादुर देउवाले गण्डकी प्रदेशमा आयोजना हुन लागेको नवौं राष्ट्रिय खेलकुद प्रतियोगिताको ट्रफि सार्वजनिक गरेका छन् । औपचारिकरुपमा असोज २८ गतेदेखि सुरु हुने नवौं राष्ट्रिय अन्तर्गत पुरुष क्रिकेट भने काठमाडौंमा अहिले भइरहेको छ ।

No description available.

प्रधानमन्त्री देउवाले सरकारी निवास वालुवाटारमा राखेपले आयोजना गरेको विशेष समारोहकाबीचमा नवौं राष्ट्रिय खेलकुद प्रतियोगिताको ट्रफि सार्वजनि गरेका हुन् । 

ट्रफी सार्वजनिक कार्यक्रममा युवा तथा खेलकुद मन्त्री महेश्वर गहतराज (अथक), पर्यटनमन्त्री तथा नेपाल ओलम्पिक कमिटीका अध्यक्ष एवं पयर्टनमन्त्री जीवनराम श्रेष्ठ, भूमीसुधार मन्त्री शशी श्रेष्ठ, राष्ट्रिय खेलकुद परिषद् (राखेप) का सदस्य सचिव टंकलाल घिसिङ लगाएतको सहभागीता रहेको थियो ।

सरकारले पहिलो पटक राष्ट्रिय खेलकुद प्रतियोगिताका लागि रनिङ ट्रफिको निर्माण गरेको हो । करिब १० लाख रुपैयाँ खर्च गरेर राष्ट्रिय खेलकुदको विजेता टिमका लागि ट्रफि बनाईएको हो । 

ट्रफिका डिजाइनर नेपाल ओलम्पिक कमिटीका महासचिव समेत रहेका निलेन्द्रराज श्रेष्ठ हुन् । यस्तै ट्रफिलाई श्याम तुलाधारले बनाएका हुन् । ट्रफिमा ५ केजी चाँदी र दुई तोला सुनको प्रयोग गरिएको छ । लगातार तीन संस्करणको प्रतियोगिता जित्ने टिमले स्थायी  रुपमा विजेता ट्रफी आफुसँग राख्न पाउनेछ ।  

No description available.

अब नवौंको रनिङ ट्रफीलाई प्रदर्शनीका लागि सातै प्रदेश र तीन विभागीय टोलीमा पुर्‍याइने छ । राष्ट्रिय खेलकुद परिषद (राखेप) ले ओलम्पियन एवं दक्षिण एशियाली खेलकुदका कीर्तिमानधारी दीपक विष्टको संयोजकत्वमा ५ सदस्सीय ट्रफी टुर कार्यदल गठन गरेको छ । 

कार्यदलमा क्रिकेटका पूर्व कप्तान पारस खड्का, राष्ट्रिय तथा अन्तराष्ट्रिय खेलाडी संघका अध्यक्ष एवं साग पदकधारी दीपक श्रेष्ठ, महिला भलिबल कप्तान अरुणा शाही र अल्ट्रा म्याराथन धाविका मिरा राई सदस्य रहेका छन् ।

असोज २८ देखि कात्तिक ३ गतेसम्म गण्डकी प्रदेशका विभिन्न जिल्लामा आयोजना हुने प्रतियोगितामा सात प्रदेश, तीन विभाग र एक एनआरएनए गरि ११ टिमले सहभागीता जनाउने छन् ।

No description available.

No description available.

भर्खरै

Advertisement

Nepal Telecom Authority